Sentyabr 18, 2023

Prezident Azərbaycan musiqi ictimaiyyətini təbrik edib

Prezident İlham Əliyev Azərbaycan musiqi ictimaiyyətini, bütün musiqisevərləri 18 sentyabr – Milli Musiqi Günü münasibətilə təbrik edib.

Kanal8-in məlumatına görə, mətndə deyilir:

“Bu mədəniyyət bayramı Ulu Öndər Heydər Əliyevin təşəbbüsü ilə 1995-ci ildən hər il ölkəmizdə dahi bəstəkarımız Üzeyir Hacıbəylinin doğum günündə təntənə ilə qeyd edilir.

Builki Milli Musiqi Günü həm də Azərbaycan mədəniyyətinin ən parlaq simalarından biri, görkəmli bəstəkar, SSRİ və Azərbaycan Respublikasının Xalq artisti Arif Məlikovun 90 illik yubileyinin qeyd edilməsi ilə əlamətdardır.

Arif Məlikov Azərbaycan mədəniyyətinin yetirdiyi sənətkarlar nəslinin parlaq yaradıcılıq ənənələrini ləyaqətlə davam etdirmiş və milli musiqi salnaməmizə yeni səhifələr yazmışdır. Bəstəkarın musiqinin ən müxtəlif janrlarında yaratdığı əsərlər Azərbaycan mədəniyyətinin qızıl fonduna daxildir.

Mövzu zənginliyi və rəngarəngliyi, milli musiqi ənənələri ilə yeni düşüncənin vəhdətində formalaşan özünəməxsus üslub, dolğun məzmun, obrazların dərin emosional-psixoloji və fəlsəfi ifadəsi Arif Məlikov yaradıcılığının səciyyəvi xüsusiyyətidir.

Arif Məlikov bütün həyatı boyu Azərbaycana bağlı, onu ürəkdən sevən böyük şəxsiyyət idi. Əsl ziyalılıq və vətəndaşlıq mövqeyi, öz xalqına bağlılığı və dövlətinə sədaqəti ona ümumxalq məhəbbəti qazandırmışdır.

Bəstəkarın şah əsəri görkəmli türk şairi Nazim Hikmətin librettosu əsasında yaratdığı “Məhəbbət əfsanəsi” baletidir. XX əsr dünya balet musiqisinin incilərindən sayılan, yarım əsrdən artıq bir dövrdə məşhur teatr səhnələrini bəzəyən bu əsər musiqi mədəniyyətimizin möhtəşəm nailiyyətlərindəndir.

İlk dəfə 1961-ci ildə Sankt-Peterburqun Mariinski Teatrında səhnələşdirilmiş “Məhəbbət əfsanəsi” baleti sonralar 60-dan çox ölkədə nümayiş etdirilərək, müəllifə dünya şöhrəti qazandırmışdır.

Sevindirici haldır ki, bəstəkarın yaradıcılığının zirvəsi hesab olunan “Məhəbbət əfsanəsi” baleti uzun fasilədən sonra Heydər Əliyev Fondunun dəstəyi ilə bu gün yenidən müəllifin Vətənində səhnəyə qoyulur.

Arif Məlikovun yaradıcılıq irsi Azərbaycan xalqının mədəni sərvətidir. Zamanın yüksək sənət qarşısında irəli sürdüyü tələblərə cavab verən, insanları mənəvi kamilliyə səsləyən Arif Məlikov musiqisi əbədi yaşayacaqdır”.


Digər xəbərlər


XİN rəhbəri: Pakistan Azərbaycanın normallaşma istiqamətində səylərini dəstəkləyir

Pakistan hər zaman Azərbaycanın suverenliyini və ərazi bütövlüyünü dəstəkləyib. Bu barədə Pakistanın xarici işlər naziri Məhəmməd İshaq Dar İ...

Heydər Əliyev Mərkəzində “Görünməyənin cizgiləri” sərgisi açılıb

Heydər Əliyev Mərkəzində daha bir layihə çərçivəsində möhtəşəm heykəltəraşlıq nümunələri sərgilənməyə başlayıb. Kanal8 xəbər verir ki, ötən gü...

Tanınmış türkoloq Ramiz Əskər vəfat edib

Tanınmış türkoloq, ədəbiyyatşünas, şair, tərcüməçi, jurnalist Ramiz Əskər 70 yaşında vəfat edib. Bu barədə onun yaxınları məlumat veriblər. ...

Şuşada beynəlxalq uşaq yaradıcılıq festivalı keçiriləcək

Gələn ay Şuşada “Şuşa Türk Dövlətləri Birliyinin Mədəniyyət İncisidir” adlı beynəlxalq uşaq yaradıcılıq festivalı keçiriləcək. Kan...

Bu gün Şuşada “Xarıbülbül” Beynəlxalq Musiqi Festivalı başlayır

Bu gün “Xarıbülbül” Beynəlxalq Musiqi Festivalının açılışı olacaq. Heydər Əliyev Fondu və Mədəniyyət Nazirliyinin təşkilatçılığı ilə mayın 13-...

Məşhur ABŞ yazçısı vəfat edib

Tanınmış amerikalı yazıçı Pol Oster 77 yaşında vəfat edib. Bu barədə xarici KİV məlumat yayıb. Bildirilib ki, dostu Ceki Layden yazıçının ö...

Heydər Əliyev Mərkəzində “Qədim incəsənətin şah əsərləri” adlı sərgi açılıb - Fotolar

23-26 aprel tarixlərində Azərbaycanda Qırğız Mədəniyyəti Günləri keçirilir. Mədəniyyət günləri çərçivəsində Azərbaycan Mədəniyyət Nazirliyinin...

Əməkdar artist Cavanşir Məmmədov vəfat edib

Əməkdar artist Cavanşir Məmmədov vəfat edib. Sənət adamları bununla bağlı sosial şəbəkə hesablarında paylaşım ediblər. C. Məmmədovun ölüm s...